HAZRAT LOOT (A.S) KA QISSAH (STORY) IN URDU HINDI
-------------------------------------------------------------------------------------------------------------------------------
HAZRAT LOOT as Loot a.s, Ibrahim a.s. k bradar zaada hein,in k walid ka naam Haraan tha. aap ki nasho numa aur tarbiyat Ibrahim a.s. k ghar pay hi hoee, is liye wo aur Sarah a.s. "millat e Ibrahimi" k pehlay muslim hein.Quran kehta hay:- "pas emaan laya Loot Ibrahim )k deen(per aur kaha mein hijrat karnay wala hoon apnay RUB ki taraf" )Ankaboot( Ibrahim a.s. k saath Misr mein qayaam k doraan faisla huwa k Loot a.s. mashriqi Jordan k ilaqa Sidoom aur Äamoora chalay jaein aur deen ki tableegh karein,aur Ibrahim a.s. wapis Falasteen chalay jaein so aisa hi huwa.
Loot a.s.aur un ki qom jub Sidoom mein abaad hoee to dekha k yahan k log fohosh kamon aur gunahon mein isqadar mubtila hein k dunya ki koi aisi burai na thi jo un mein na ho aur dunya ki koi khubi un mein na thi. Magar jo fahashi inhon nay shuru ki uska riwaj uss waqt tak kisi qom mein na tha, yani shehwani taskeen larkon say hasil kartay thay. "aur )yaad karo( Loot a.s. Ka waqiya jub uss nay apni qom say kaha k kia tum aisay fohosh kaam mein mashgool ho jis ko dunya mein tum say pehlay kisi nay nae kia, ye k tum apni shehwat orton k bajaye mardon se puri kartay ho.Yaqeenun tum hud say guzarnay walay ho" )Åaraaf( Loot a.s.nay apni qom ko pakiza zindagì guzaarnay aur doosri burayon say bach kar neik ho janay ki talqeen ki, magar un budbakhton per ulta hi asar huwa.... "Aur uss )Loot( ki qom ka jawaab siwae iske kuch na tha k in )Loot aur uskey khaandaan( ko apnay sheher say nikaal do, beshak ye bohat hi pakbaz log hein" )Aaraaf(. Uss per mazeed ye k jub qom nasihaton say bazaar ho gaee to kehnay lagi "agar tu sucha hay to Allah ka azaab lay hi aa" )Ankaboot( Idhar Loot a.s. ki qom ye sawaal kar rahi thi...udhar Falasteen mein Ibrahim a.s. ki farishton say mulaqaat hoti hai "kaha )Ibrahim a.s.nay( ay Allah k bhejay huway farishto ! Tum kis liye aaye ho?
unhon nay kaha "hum mujrim qom ki taraf bhejay gaye hein, ta k hum un per patharon ki barish karen aur ye teray RUB ki taraf say hud say guzarnay walon k liye likh diya gaya hai" )Ankaboot( Farishtay Loot a.s. k ghar haseen o jameel aur nowjawaan larkoñ ki shakal mein aaye, saath hi qom k badkaar buri niyyat say makaan ki chat per charh gaye, aur Loot a.s. ko kaha k in ko hamaray hawalay kar do...Loot a.s. ko pareshan dekh kar larkon nay kaha k ghabrao mut,hum Allah ki taraf say teri qom per azaab laye hein....ab tum aisa karo k raat ki tareeki mein apnay ghar walon k saath pichli taraf say nikal jana, magar tumhari biwi inhi badbakhton ka saath de gi....phir yun hi huwa Loot a.s. ki biwi rastay say hi wapis aa gaee, aur baqi log nikal gaye...Raat k aakhri peher aik khofnaak cheekh buland hooee aur aabaadi ka takhta zameen se utha kar palat diya gaya aur patharoñ ki baarish nay qom e Loot a.s. ka naam o nishaan mita diya
--------------------------------------------------------------------------------------------
NAJEEB AHMADAslamu Alaikum My Name Is NAJEEB AHMAD from india , BIHAR . i am try to my best share with you about islamic Prophet Story For Kids.
Post a Comment (0)